189. De sancta Katharina.

la. Concinna

voce modulemur
Katbarinam,
conspicuam mira
formositate virginem,

1b. Ad Nili

fecundi ostia

ex regali

ortam sanguine, cae-

licolarum regis nuptam.

2 a. Haec adulescentula
perpetuis undantem
scatebris artium
potavit laticem.

2 b. Nam Maxentii edicto
a diversis terrarum
oris citatis
oratoribus

3 a. Tullianae rivos
eloquentiae,

torrentem Demosthenis
superat facundia ;

3 b. Latentis naturae
peritos rerum
sapientia sui
in stuporem convertit.

4 a. Nam Platonis,

Aristotelis dogmata
in sui cordis gerebat
haec penetralibus ;

4b. Mantuanus

ille Maro, vatum princeps,
se iudice carminibus
victam se dicebat.

5 a. Miratur occiduus

sol, fervens Aegyptus,

turifer

Arabs, doctae Athenae

doctrinam puellae.

5 b. Hanc venerare, cuius
ingenuum pectus
artium

bonarum, [scientiae]
incaluit aestu.

6 a. Nam ab opifice maris
atque terrae petendo
nullam patitur repulsam.

6 b. Ecce, poenas subitura
hac in rotis rigenti
exasperatis chalybe

7 a. Ipse pater trisulcum

ignem vibrans e nubibus,
quae densa axes infringunt
grandine.

7 b. Fac age, diva, precamur,
ne nos sulphureae Stygis
flamma suis corripiat
ignibus.

8. Sed te duce, virgo, neam
visere possimus
caelestis theatri choream.