198. De sancta Katharina.

1 a. Ave, felix Katharina,
Felix martyr et regina,
Felix mundi medicina,
Felix regis filia.

1b. Ave, virgo ter beata,

Miri sponsi sponsa grata,
Fide Christi decorata,
Fulgens quasi lilia.

2 a. Per te student sapientes,
Per te Christo credunt gentes.
Manus cuius confidentes
Laudent puerperium.

2 b. Prece rotas dissolvisti,
Vires regis contrivisti
Et reginae contulisti
Vitam et imperium.

3 a. Corpus caesum lac decorat,
Sepulcrum liquore rorat,
Quod transvexit et honorat
Angelorum curia.

3 b. Ora, virgo, supplicamus,
Ut in Christo sic vivamus,
Quod per Christum capiamus
Sempiterna gaudia.