200. De sancta Katharina.

1 a. Veni, Costi filia.
Candens inter lilia,
Splendor Alexandriae.

1b. Veni, virgo regia,
Nobilis, egregia,

Casta, regnans sobrie.

2 a. Disputatrix optima,
Legis pandens intima,
Doctores, quos arguit

2 b. Tendentes ad devia,
Veritatis in via
Datos igni posuit.

3 a. Tortoribus traditam,
Carceribus abditam
Porphyrius visitat

3 b. Adduxitque reginam ;
Credentes Katherinam
Mox tyrannus flagitat.

4 a. Decollantur ideo

Spiritum dantes Deo,
Rota fit et frangitur.

4 b. Commendatur gladio,
Sed prius oratio
Pro suis efficitur.

5 a. Lac fundens et oleum
In Sinai per Deum
Fertur his mirantibus.

5 b. Virgo videns terminum,
Semper ora Dominum
Pro te memorantibus.