203. De sancta Kunegunde.

1. Legis laxet onera,
Species et genera
Nova dans et vetera,

2 a. Cui sub annis teneris
Virgam praebens umeris,
Ignem stringens Veneris,

2 b. Lucifer in superis,
Lux de luce miseris
Aptans bonos ceteris.

3 a. Sponso sponsa iungitur,
Nec hic nec haec polluitur,
Menda famae sequitur.

3 b. Videri quod colitur,
Per vomerum demitur,
Vis a vi depellitur.

4 a. O sacrum concambium,
Quo vitae compendium

4 b. Quaerit habens taedium
Martiale studium !

5 a. Sic sagena
Maris, vena,
Sic amoena,
Sic obscoena

Capit aquae varia;

5 b. Agnigena
Deo plena
Legis dena
Sine poena

Solvit virgo sobria.

6 a. O regina Kunegundis,
De profundis
Nos iucundis

Perfrui fac atriis ;

6 b. O regina Kunegundis,
Moribundis
Ex his undis

Redde tutos vitiis.

7 a. Mundus perit

Et nec erit,

Finis venit, Vae, Vae serit,
Redit ad originem
Homo, cinis in cinerem.

7 b. Caro laedit

Et obedit

His, quae carnis lues edit,
Mortis imago ferit,
Sanguis sanguinem tetigit,

8 a. Ergo, virgo et regina,
Carnis huius de sentina
Aude preces et inclina
Dirae mortis paria,

8 b. Ut caelestis per te vestis
Detur maestis in his festis,
Cedat pestis, quae de gestis
Exigit supplicia.