209. l)e sancto Leonardo.

1 a. Confessorem venerandum
Veneremur Leonhardum,
Cuius nomen tam iucundum
Floret in ecclesia.

1 b. Leo fortis, dum certavit,
Mundum, carnem, hostem

stravit
Et se nardum declaravit
Odoris fraglantia.

2 a. Remigio commendatur,
A quo puer baptizatur
Et instructus decoratur
Divina scientia.

2 b. Huius crevit hortamentis
Adolescens puer mentis
In divinis sacramentis
Et virtutum gratia.

3 a. Fit medela languidorum
Nexus solvens captivorum
Et reginae dat Francorum
Salutis remedia.

3 b. Sanctitate vir insignis,

Qui praeclaris fulget signis,
Impetret nobis indignis
Sempiterna gaudia.