211. De sancto Livino.

1 a. Sollemni vos induite,
Filiae Sion, chlamydes

1b. Induit stolam gloriae
Martyr Livinus hodie.

2 a. Iure terris veneratur,

Caelis dignus qui probatur
Tali privilegio.

2 b. Caelesti alimonia

Donatur mater gravida
Spiritus officio.

3 a. In lucem partu edito
Sol novae lucis radio
Mundum replet gaudio.

3 b. Dextra signat iam renatum,

Et divina vox beatum

Praedicat indicio.

4 a. Dant puero praeconia
Prece pulsa daemonia,
Nutrix vitae reddita,

4 b. Dux et comes it angelus,
Pontus minax fit floridus
Et abyssus pervia.

5 a. O felix sacerdotium,
Cuius testatur meritum
Divina sententia)

5 b. Lepra iuncta paralysi
Intranti cedit praesuli,
Cuius comes gratia.

6 a. Sacros pedes veneratur
Mare, nauta reportatur,
Gaudet caecus lumine ;

6 b. Post plectrum linguae perdi-
tum
Linguae manet officium,
Tortor perit fulmine.

7 a. Super orantis verticem

Columba stillat sanguinem
Mortem signans sanguine ;

7 b. Christus astat et solatur,
Tortor instat, et mactatur
Vitam nactus sanguine.

8 a. Hinc cum victrici laurea
Intras gaudens aetherea.

8 b. Unde summa laetitia
Tibi plaudit ecclesia.

9 a. Sed plaudit specialius
Laude clerus et populus,

9 b. Quem singulari gratia
Tua fovet praesentia.

10. Communis est laetitia,
Communis sit et gratia.