212. De sancta Lucia.

1. Alleluia.

2 a. Praefulgida

dicito margarita,

2 b. Unde tibi

facies tam decora?

3 a. Conditor creaturarum
cuncta fabricando
formosa

3 b. Hanc mihi concessit formam,
sibi statuens tam
decoram.

4 a. Cuius iussis ob-

secundando speciosa,

4 b. Ex hoc cupita

complens loca honoranda.

5 a. Adorno
coronas

possidens diademata
regia,

5 b. Inserta
coronas

fulvas honorabilium
pectora.

6 a. Pertinaci ferens
grave cordis
honoris inopia,

6 b. Colla pontificum
vestiens
pectorali fascia.

7 a. Praetendo figuram
sollicita

7 b. Ad vitae caelestis
felicia.

8. Cuius cives
simus in saecula.