214. De sancto Maglorio.

1 a. Adest dies specialis,
Dies festus et natalis
Praesulis Maglorii.

1b. In hoc ergo spiritales
Et ipsius speciales
Iucundentur filii.

2 a. Angelus hunc erudivit
Integrumque custodivit
Vas caelestis gratiae;

2 b. Cum sit magnus gloria,
Velut ex industria
Nomen habet gloriae.

3 a. Lucrum quaerens spiritale
Culmen rexit principale
Minoris Britanniae;

3 b. Fugit tamen nutu Dei,
Quo vacaret totus ei,
Regimen ecclesiae.

4 a. Curam tradens alii
Compos desiderii
Degit sub silentio,

4 b. Sic latere voluit,
Nec abscondi potuit
Lucerna sub modio.

5 a. Consul adest sed leprosus,
Ne lateret gloriosus
Pater sine gloria ;

5 b. Preces eius lepram mundant,
Caius iussis obsecundant
Aves, pisces, maria.

6 a. Vitae reddit mortuum,
Quem vorago fluctuum
Prius absorbuerat ;

6 b. Ad buius arbitrium
Piscis turba piscium
Ministrans obtemperat.

7 a. Vultum reddens servulo
Victum reddit populo,
Navem rexit baculo,
Sed nec plaustro defuit.

7 b. Lingua mutae solvitur,
Servus pisci tollitur,
Vis hostilis vincitur
Et serpens occubuit.

8 a. Culpam donat hic levitae,
Angelus hunc pane vitae
Munit mortis pretium ;

8 b. Hostes privat hic repente
Partim visu, partim mente,
Vita nequam filium.

9 a. Maglori pater, visita
Nos pietate solita,
Tuae preces et merita
Culpae relaxent debita.

9 b. Per te vincatur zabulus
Et vitiorum populus,
Per te victores saeculi
Christo vacemus seduli.