216. In Translatione s. Marcelli.

1 a. Gaude, superna civitas,

Nova frequentans cantica ;

1 b. Adcrescit tibi dignitas,

Murorum surgit fabrica.

2 a. Faber et fabri filius

Te restaurant in melius ;

2 b. Fabri mens et industria
Relucet in materia.

3 a. In tua transit moenia

Marcellus, gemma prae-
sulum ;

3 b. Tibi praesens ecclesia

Praesentat hunc carbun-
culum.

4 a. Chorus concordi spiritu
Psallat in eius transitu ;

4 b. Grex pastoris miracula
Retractet mente sedula.

5 a. Dum ferrum candensponderat
Adhuc aetate tenera,

5 b. Calorem tactu temperat,

Ferri praedicit pondera.

6 a. Dum servus Christi praesuli

Ministrat aquae calicem,

Christus ad laudem servuli

Mutat in vinum laticem.

6 b. Nec minus est miraculum,

Quod succedit in ordine,

Dum ferens aquae vasculum

Haurit chrisma deflumine.

7 a. Vinum et chrisma praesulis
Praeferebant indicia,
Per quem baptisma populis,
Per quem sacratur hostia.

7 b. Gradu minor quam meritis
Vocem laxat antistitis,
Promotus in pontificem
Fert opem reo duplicem.

8 a. Sacris astans altaribus

Vinctum videt in populo,
Solvit a poenae nexibus
Et a peccati vinculo.

8 b. In serpente visibili

Triumphat invisibilem,
Sic Christus invincibili
Virtute ditat humilem.

9 a. Marcelle pater, respice
Nos pietatis oculo

9 b. Sub huius adhuc lubricae
Carnis gementes vinculo.

10 a. Te diligentes unice,

Te recolentes sedulo,

10 b. Consors lucis angelicae,
Caeli suscribe titulo.