219. De sancta Margareta.

1 a. Surge laudum ad concentus,
Ordo sacer et conventus,
Virginalis gloriae;

1 b. Pro triumpho Margaretae
Laudum favi stillent de te,
Carmina laelitiae.

2 a. Margareta, flos decoris,
Imitatrix caeli floris,
Castitatis formula,

2 b. Ad exemplum passionis
Gratiarum rigat donis
Et impinguat saecula.

3 a. Quam pudicam et formosam

Et in fide fructuosam

Impetit Olybrius;

3 b. Ut transplantet ad errorem
Eius fidem et pudorem,
Instat hostis impius.

4 a. Nunc suspensam ungularum
Mactat plagis, nunc virgarum
Scindit scissionibus;

4 b. Nunc in aquis, nunc in igui
Artat dolus hanc maligni,
Nunc addit carceribus.

5 a. Ibi fato dans draconem

Vinctumque terens daemonem
Psallit in victoria ;

5 b. Expletura vitae cursum

Cor et manus levat sursum,
Orat cum fiducia:

6 a. O, qui praees caeli thronis,

Da, qui meae passionis

Recolit memoriam,

6 b. Ad salutem mundo frui,
Post cum sanctis vultus tui
Perpetim praesentiam.

7 a. Votis favens suae testis
Adest ipse rex caelestis
In columbae specie ;

7 b. Quae deposcit haec, condonat,
Quibus datis hanc coronat
Ferri stratam acie.

8 a. Eia, martyr gloriosa,

Domini tam speciosa

Praedotata gratia,

8 b. In praesenti sic procura
Te laudantes, ut futura
Non amittant gaudia.