222. De sancta Margareta.

1 a. Salve, martyr gloriosa,
Margareta generosa,
Verae vitis balsamus;

1b. Ab aetemo ordinatum
Vas, insigne, decoratum,
Castitatis thalamus.

2 a. Salve, agna sine felle,
Vas imbutum favo, melle,
Vas immensae gloriae ;

2 b. Nos peccatis involuti
Flagitamus provoluti
Medicinam gratiae.

3 a. Porta nitens, gemmnis clara,
Sidus fulgens, templum, ara,
Hostia pacifica ;

3 b. Cinnamomum redolens,
Sensu, cana, fide pollens,.
Prudens et mirifica.

4 a. Salve, terra fertilis,
Odor suavis, utilis,
Rosa patientiae;

4 b. Myrtus temperantiae,
Stirps obedientiae,
Turtur innocentiaae.

5 a. Tu contemnis iudicem,
Per cuncti opificem
Superans in omnibus .

5 b. Flos campi conteritur,
Cum Margareta caeditur
Paganorum manibus.

6 a. Tu in loco tenebroso
More petis amoroso
Sponsi amicitiam ;

6 b. Tu, cum oras, hostem sternis
Quem confusum, virgo, sper-
nis
Carnis per munditiam.

7 a. Tu tribunal despexisti,
Plagas duras derisisti
Fragili in corpore;

7 b. Ebur auro variatum

Cor in Christo solidatum
Mortis splendet tempore.

8 a. Palmam vitae apprehendis
Et cum Christo parvipendis
Huius mundi gloriam ;

8 b. Laus te ornat virginalis,
Mucro stravit cum poenalis,
Aufert auro scoriam.

9 a. Sol probatus clarior
Passionis clibano,
Nive iam candidior
Veniens a Libano.

9 b. Lux ipsa iustitiae
Tibi lucet iugiter,
Immemor tristitiae
Visu ardes suaviter.

10 a. Salve, rosa rubicunda,
Sponsa agni tota munda,
Potens es in patria,

10 b. Verbi Dei praedicatrix,
Trinitatis contemplatrix
Intra caeli atria.

11 a. O beata, ne nos spernas,
Sed ardentes fac lucernas
Ad convivas et supernas
Ingredi feliciter.

11b. In supremo collocata,

Post te trahe, Deo grata,
Ne nos mortis via lata
Rapiat hostiliter.

12 a. In extremo huius vitae
Formidantes reduc rite,
Ut de vera caeli vite
Degustemus sine lite
Suavitatis pocula.

12 b. Iesu bone, rex caelorum,
Preces audi peccatorum,
Da consortia bonorum,
Ut et te, Deum deorum,
Laudemus in saecula.