225. De sancta Margareta.

1. Pange, chorus omnium,
nunc Margaretae triumphum.

2 a. Virginis huius pater
erat patriarcha
gentilium ;

2 b. Haec Deum colit ; pater
odit ; fugit; nutrix
eam alit.

3 a. Cuius oves pascit,
cum praefectus
Olybrius transit.

3 b. Videns eam cupit
praecipitque
sibi praesentari.

4 a. Verba profert dulcia,
nec flectitur
virgo beata.

4 b. Minas infert impius,
nec formidat
neque terretur.

5 a. Furit hic iubetque
virginem incarcerari.

5 b. Vorat hanc draco, sed
signo crucis liberatur.

6 a. Post haec flagellatur
virgis, aere suspenditur,

6 b. Rastris laceratur,

comburitur, aquis mergitur.

7 a. Post decollatur et
in paradiso
collocatur.

7 b. Sit laus patri, nato
salus, flamini
sancto virtus.