226. De sancta Margareta.

la. Adest dies decora

Hac hora, qua per ora
Nostra memoratur

1 b. Margaretae series,
Cuius vita species
Perpulchra probatur.

2 a. Nobilis natalibus
Fuit, sed gentilibus,
Et Antiochena.

2 b. Cuius pulchritudine
Accensus libidine
Profert verba lena

8 a. Olibrius virgini.
Tantae turpitudini
Non vult assentire

3b. Prece neque pretio;
Virginis responsio
Facit hunc saevire.

4 a. Christi fidem confitens,
Hic fidei renitens
Hanc incarceravit.

4 b. Exuta suspenditur,
Verberibus caeditur,
Sanguis terram lavit.

5 a. Sustinet in gaudio
Pro tanto martyrio
Virgo nec suspirat.

5 b. Carnem scindit durior
Ungula, tunc fortior
Ad caelos aspirat.

6 a. Ossa nuda, viscera
Vice patent altera ;
Sic incarceratur.

6 b. Lumen clarius sole
Incarceratae solae
De caelo mandatur.

7 a. Signo crucis fugatus
Fuit transfiguratus
Daemon in draconem ;

7 b. Formam sumpsit humanam,

Virgo percepit vanam

Hanc illusionem.

8 a. Hostem solo prostratum
Dimisit conculcatum
Dicto, cur venisset,

8 b. Servo nec consilio
Faveret, Olibrio
Nec dis oboedisset.

9 a. Virgo post haec crematur,
Aqua refrigeratur
Dolio ligata ;

9 b. Terra mota, vinculis
Ruptis, a periculis
Exit nil gravata.

10 a. Duodecim milia

Fere credunt, varia
Mors illos mactavit.

10 b. Orat pro tortoribus,
Pro se deprecantibus
Preces impetravit.

11a. Collum parat gladio,
Triumphat martyrio
Capite truncato.

11b. Eius patrocinio
Secum in collegio
Nos iungat beato.