227. De s. Maria Magdalena.

1. Exsurgat totus alniiphonus

supercaelestium chorus

citharoedorum,

omnifarie Deo

eulogizans cum Alleluia.

2 a. Suave et

laudisonum una plus

solito subclangat in

iubilo organum

nostrarum iuvencularum,

chorea tympanistriarum ;

2 b. Necnon, unit

quos catholicus omnes

uno una pneumate

christianismus, nunc

Mariae Magdalenae

congratulemur sollemniis.

3 a. Quae septeno

dudum daemone plena,

vesania

cursitaverat

pestilentiosa

3 b. Per andronas

lubricas Babylonis,

cuius gaudet

Bel gymnasiis

anathematicis,

4 a. Et ubi occursant

daemonia,

onocentauri,

dracones praevolucres

struthioque

simul collusitant,

4 b. Absonius ululae

lugubres

et elegizant,

et Sirenae delubris

voluptatis

coantiphonizant.

5 a. Pilosi et saltitant,

lamia catulos lactat,

foveam torvus

struit ericius,

ibix et corvus

cum onocrotalo

horrisonum uDa

discriminant ;

5 b. Basiliscus sibilat,

cerastes et imperitat.

Genus id multa

minax, incarcerans

exterricula

quaeque dirissima

morsibus, experta

est Maria.

6 a. Demum tacta divinitus

memoria

Sion, dilecta matris

tot furias (ab)horrens

deserit metropolim

Chaldaeorum ;

6 b. Iesum ardens medullitus,

quem festina

quaeritat mox ierarcham,

per quem liberetur

captiva phantasmatum

a phalange.

7 a. Sciens, ubi fuerit,

quid fecerit,

non erubuit ;

sese amati

[ad] epulas contulit,

veniae fontem turpis

adiit, quo se lavaret;

7 b. Alabastrum attulit,

pedes Iesu

fiendo compluit,

crinibus tersit

[atque] osculans unxit,

tot ferens bolocausta,

quot prius oblectamenta.

8 a. Quam miseratus conditor

refugam suscipit,

refovet paraclitus

luctuosam,

diligentem diligit

dimissisque flagitiis

omnimodis liberrimam

ire praecipit.

8 b. Sic liberata bestiis

de Babylonicis

pedibus assederat

miserantis,

verbum eius audiens,

et intime soli vacans

theoriae arcem Sion

felix conscendit.

9 a. Cui Iesus

architectus

stratum tetragonum

dans aequilaterum,

totum crystallis

luminosum, sternit

igneis carbunculis ;

9 b. Fundans saphyris

caeruleis

miris candidatam

et unionibus

iaspidibus et

propugnatam munit

gemmeis turriculis.

10 a. Anaglypharias

margaritis portas,

podismum cum plateis,

basilicas cum tricliniis

et illius omnia

aureola

mirificavit

tamquam vitrum perlucida.

10 b. Quam gemmis rutilam

et obrizo mundo

rex regit Emanuel,

divum ipse capitolium

urbis, manens omnia

in omnibus,

quos triumphali

comit inibi laurea.

11a. Hac speculativa

iam plenarie

condelectans in aula,

fac, nos ut delectemur

in dilecto tuo,

suffragatrix

ardentissima, Maria,

11b. Et ut letalibus

arreptos, heu,

vitiorum furiis

reddat nos sanae mentis

miserans, ut solet,

salutari

ourando indulgentia.

12 a. Ut sic nequitiis

adversariis

fauste triumphatis

corona tecum

regni tripudiantes

12 b. Collaudemus una

et in cymbalis

iubilationis

Deum deorum

cum angelis in Sion.