228. De s. Maria Magdalena.

1 a. Ex arcano pietatis
Revocatur a peccatis
Peccatricis anima,

1 b. Cum ad pedes maiestatis
Munus offert caritatis,
Corde, manu, lacrima.

2 a. Convivantum domo plena,
Christe Iesu, pasceris,
Cum in ipsa Magdalena
Cor contritum ingeris.

2 b. Maesta venit, rubet gena
Pro reatu sceleris,
Et dolori laxat frena
Memor vitae veteris.

3 a. Ardet intus, extra plangit,
Lavat et abluitur,
Crine tergit, ore tangit,
Ungit et inungitur.

3 a. Aeniulatur pharisaeus,
Aemulas convincitur,
Miseratur pius Deus,
Mulier absolvitur.

4 a. Sic in schola salvatoris
Aggreditur vas honoris
Lota contumelia,

4 b, Quam compellit vis amoris
Sui semper amatoris
Subsequi vestigia.

5 a. Martha servit, fatigatur ;
Sed Maria iucundatur
Secus pedes Domini.

5 b. Lacrimosa iuxta crucem
Christum perdens perdit lu-
cem
Sociata virgini.

6 a. Primo mane fert unguentum,
Vadit flens ad monumentum,
Mentem gerit sauciam,

6 b. Eius fletus hilaratur,
Prima venit et miratur
Resurgentis gloriam.

7. Iteremus et cantemus
Magdalenae gloriam.