230. De sancta Martha.

1 a. Adest Marthae sollemnium,
Surgat vox in praeconium ;

1 b. Vox nostra laudes concrepet,
Nec a voce mens discrepet.

2 a. Haec redemptorem gentium
Suscepit in hospitium,

2 b. Pavit opus opificem,
Fovit ancilla iudicem.

3a. Quae, dum pararet fercula
stans ait Christo querula:

3 b. Dic, ut ad ministerium
Soror praestet auxilium.

4 a. Christus utramque praedicat,
Sed [primam] partem indicat ;

4 b. [Marthae vitam] esse bonam,
Mariae probatissimam.

5 a. Est bona vitae practica,
Sed melior theorica ;

5 b. Prima defectus inficit,
Secunda nunquam deficit.

6 a. O Christi felix hospita,
Mercede gaudens inclita,

6 b. Te Deus hospes hodie
Regno locavit gloriae.