231. De saqcta Martha.

1. Eia, recolamus
carmina Deo digna.

2 a. Chordas cordis temperemus,
sit pro chordis
cordium concordia ;

2 b. Dulce melos demus, cuius
laus sanctorum
merces est gratissima.

3 a. Hodie

memoria iucunda
veneremur Martham,
matrem sanctissimam,

3 b. Quam factor

omnium, factus pauper,
caelo regnans, terris
elegit hospitam.

4 a. Secus pedes
vacat Maria,
haec procurat sobria
convivia.

4 b. Grata Deo
Marthae actio,
Mariae laudatur
contemplatio.

5 a. Gaudet ille

foetens Lazarus
se vocatum
ab inferis.

5 b. Caeci visu,

claudi donantur
gressu sanctae
Marthae meritis.

6 a. O Martha, nimium beata,
vita cuius miranda !

6 b. O fide firma, spe robusta,
caritate inclita !

7 a. Mirabilis in illa
emicuit gratia,
uti apostolorum
fit apostola ;

7 b. Nam mortuos suscitat,
daemonibus imperat,
serpentes tollit, tactu
lepram mundavit.

8 a. Beatum praedicat
patrem angelorum,
quem [hic] pane pavit.

8 b. Postremum decurso
stadio fruitur
regno sidereo,

9 a. Pro parvis donata
maximis,

pro terrenis praemia
captans caelestia.

9 b.......

10 a. Christi cara, prece tua
nobis detur venia,

10 b. Ut ad illam, quam speramus,
te praeduce patriam

11. Pertingamus.