232. De sancta Martha.

la. Marthae ingens sanctitas,
Moribus ditata,
Est vera securitas
Fidelibus data,
In caelis parata.

1b. Ipsius virginitas

Summe decorata,
Serviendi caritas
Deo fuit grata,
Quem est hospitata.

2 a. Serpens ille pavidns
Victus est per eam,

Signo crucis trepidus
Dimittens cavernam,

Qua steterat abditus,
Morte trucidatus
Atque prosternatus ;

2 b. Vertens naves funditus,
Faciens procellam

Et absorbens fervidus,
Tollendo lucernam

Vitae navigantibus,
Ore propalatus
Et vorans elatus.

3 a. Fronto in altari stans
Plebe congregata

Raptus est sanctificans
Voce Dei facta,

Ut videret obitum
Et esset adiutor
Christi et servitor;

3 b. Scriptura testificans
Deifice facta,

Tumulum sanctificans
Ipsa exspirata

Evidens est speculum
Et vitae largitor,
Qui fuit sepultor.

4 a. Virgo sancta, populo,
Per quem visitaris

Tarrasconis oppido,
Ubi tumularis,

Impetra et subito
Regnum, quo Iocaris,

4 b. Ut refectus pabulo
Cibi salutaris
Cernat Deum oculo,

Cum quo gratularis
Celso in empyreo
Et glorificaris.