235. De sancto Martino.

la. Pater noster, pastor bonus,
Forma gregis et patronus,
Suae sortis sprevit onus
Adhuc catechuminus ;

1 b. Christus nudus operitur ;
O quam laete vox auditur:
Haec est vestis, qua vestitur
Angelorum dominus.

2 a. Adulescens sanctitatis
Arrianis confutatis
Fidem scribit trinitatis
Schola sub Hilarii.

2 b. Multos sanat et insanum,
In os cuius mittit manum,
Et eiecit sic profanum
Per os aurificii.

3 a. Lepram curat fugientem,
Osculatur accedentem,
Globum ignis fert ardentem

3b.........

Avis rapax advolavit,
Diem mortis prophetavit
Spiritu consilii.

4 a. Esto noster speculator,
Caeli vigil contemplator,
Trinae mortis suscitator,
Tria cura scelera.

4 b. Nos invadunt iam rapinae,
Lupi regnant in hoc fine,
Pater noster, o Martine,
Nos a malo libera.