240. In Translatione s. Martini.

la. Hacc festi duplicatio
Duplici digna gaudio

Duplicem reddat iubilum,

1 b. Ut cordium devotio
Et vocum concrepatio
Duplicem tergat nubilum.

2 a. Martini ordinatio

Dat generale gaudium,
Sed corporis translatio
Turonicis solacium ;

2 b. Verum, si sit devotio

Humilis postulantium,
Cunctis adest suffragio
Virtutis participium.

3 a. Quod ei pontificium
Deus dederit, omnium
Concors probat electio

3 b. Et insani defensoris
Subita voce lectoris
Irrisa contradictio.

4 a. Quod a sancto perpetuo
Nutu Dei translatio
Facta fuerit hac die,

4 b. Virtus caelica testatur,
Quae attonitos hortatur
Sub abbatis effigie.

5 a. Huius igitur tam miri
Attollentes laudes viri
Ipsum devote precemur,

5 b. Ut moribus ordinati
Et a vitiis translati
Cum Domino gloriemur.