242.

De sancto Materno.

1 a. Veni, sancte spiritus,

Per quem mundum inclitus
Maternus edomuit ;

1 b. Qui doctus divinitus
Trevirensem primitus
Fide gentem imbuit.

2 a. Vice Petri fungitur
Et a Petro mittitur
Ad partes Germaniae;

2 b. Ibi se gentilium
Dei per auxilium
Obicit fallaciae.

3 a. Huic sanctus Valerius
Simul et Eucharius
Eliguntur socii.

3 b. Vitae viam indicant,

Christi nomen praedicant
Sordes vitant otii.

4 a. Maternus miraculis
Et virtutum titulis

Clarens morbos depulit ;

4 b. Daemonibus imperat,
Claudis gressum reparat,
Caecis visum attulit.

5 a. O vir ineffabilis,

Praesulum flos nobilis
Et decas ecclesiae,

5 b. Te rogamus cernui,
Fac nos tecum perfrui
Vultu regis gloriae.