245. De sancta Maxentia.

1. Psalle, pia contio,
Sanctae mentis studio
Virginis sollemnia.

2 a. Victrix patientia,
Florens pudicitia
Hanc ornavit gloria ;

2 b. Pura conscientia,
Criminum victoria
Praefulget Maxcntia.

3 a. Pollens ergo meritis

Virginis et martyris

Miscet rosis liba.

3 b. Christus palmae virginis
Fusi simul sanguinis
Duplicavit praemia.

4 a. Haec est gemma virginum,
Cui sequi Dominum
Post sua vestigia
Dedit eius gratia.

4 b. Haec vas auri solidum,
Lumen caeli limpidum,
Stella solis praevia,
Vincens mundi gaudia.

5 a. Quae, dum credit
Et oboedit,
Nulli cedit
Nec mors laedit,

Quod spesmonstratpraescia ;

5 b. Christum amans,
Christum clamans
Mortem spernit,
Hostem sternit,

Calcat quaeque noxia.

6 a. O benigna, Deo digna,
Nomen Christi coluisti
Virtutum per merita,

6 b. Verbo legis informata,
Serto regis adornata,
Cuius fide praedita.

7 a. Carnem vexat infidelis,
Cor exsultat sed in caelis,
Laetitiae dispendia
Nulla facit memoria.

7 b. Ibi plene defaecaris

Iam secura de spe carnis,
Quae finita miseria
Tecum erit in gloria.

8 a. O fidelis advocata,

Iam in caelis coronata,
Tuum regem
Et hunc gregem
Ad pacem concilia,

8 b. Ut rexregum, suramumbonum,
Cuius caritas [est] thorum,
Ut te secum,
Sic nos tecum

Ducat ad caelestia.

9. Amen dicant omnia.