248. In Inventione s. Maximi Regiensis.

la. Plebs, ad laudes prompta plaude,
Digne lauda dignum laude
Inter magnos Maximum,

1 b. Per quem patrem et patronum
Possidere possis thronum
Vitae lucidissimum.

2 a. Te virtutum lux accendat,

Ut commendes, quem commendat
Commendanda novitas

2 b. Anni novi, sed annorum.
Novitatem mira morum
Castigat maturitas.

3 a. In Regensi rector urbe
Carus clero, carus turbae,
Clarus signis habitat.

3 b. Cornu bovis iugulatum,
Morsu carnis suffocatum
Aliosque suscitat.

4 a. Perit carnis exsufflatus,
Visus viget caecis datus,
Convalescit saucius ;

4 b. Sanitatem sic adeptus

Gaudet aeger, sed deceptus
Latro furit impius.

5 a. Ergo, tantae bonitatis
Pastor, pande veritatis
Gregi tua viscera,

5 b. Interventu sanctitatis
Nos purgatos a peccatis
Et a poenis libera.