254. Dt

sancto Nicolao.

1 a. Eia, qualis est et quantus
Apud Deum iste sanctus,
Qui in terra positus

1 b. Tot virtute meritorum

Fulsit et miraculorum

Dignitate praeditus !

2 a. Nam in cunis ad praemia
Suspirabat caelestia
Ieiunando parcius ;

2 b. Hinc adulescens studio
Propulso semper vitio
Cor dedit attentius.

3 a. Surgens inde currit tute
In virtutem de virtute
Dignus ad praesulatum,

3 b. Voce vocatus caelica
Vita rexit angelica
Digne pontificatum.

4 a. Vita sancti quam benigna,
Quanta sit et laude digna,
Sanctitatis probant signa ;
Tumba fundit oleum,

4 b. Quo liniti mox curantur
Aegri, quovis teneantur
Morbo, capti liberantur
Eius per suffragium.

5 a. Nautas inde naufragantes,
Iam de vita desperantes,
Liberavit et de mari
Manu duxit salutari
Portus ad praesidia.

5 b. Gloriose Nicolae,

Nos ad portum maris trahe,
Ne procellis involvamur,
Sed ut tecum erigamur
Ad aeterna gaudia.