256. De sancta Odrada.

1. Odradae recolentes laudes
imitemur virginem.

2 a. Servire

Deo vovit annis
puerilibus,

2 b. Laudando

contemptu terrenas
sprevit nuptias.

3 a. Gloriam mundanam
prudenter
contempsit transitoriam,

3 b. Puellares iocos
devitans,
genus venustans moribus.

4 a. Memorias visebat
sanctorum
saepe terens et orans,

4 b. Ieiunia frequentans
profusis
ad inopes manibus.

5 a, Fertilibus tempus
distinxit laboribus,
Antiqui serpentis
praecavens
astutias, nullum
faciendum relinquens.

5 b. Gloriam internam
ornavit sollicita
Habere supernam,
parata,

lampade exspectare
venientem sponsum.

6a. Beata

haec sponsa, quae, cum
venerit sponsus, sic
ei occurrerit.

6 b. Probata

ut aurum igne
crematum, odio
novercae conflatum.

7 a. Dilanianda

a patre relegata
malignae nequam consilia
signo crucis sunt elisa,
ferae mutatae.

7 b. Sed summus pater,
nesciens mala data
dare petenti, mox oranti
fontis venas de arena
dedit sterili.

8 a. Transitus sui praescia
de morte ad vitam
exhalavit

praesentem.

8 b. Revelata facie re-
gem videt gloriae
''apud fontem
vitae residens
''aeternae.

9 a. Mirando tractu Alem
recepit depositum
clara dote
resurgendum.

9 b. Cum quisque iuxta cursum
accipiet bravium,
da, Christe, te
stipendium

10. Precibus

beatae Odradae.