262. De sancto Patricio.

1 a. Dei per Patricium
virtus declaratur,
Cuius mira sanctitas
miris commendatur.

1 b. Novi fontis oculos
latice rigatus
Caecus visum recipit
et fit literatus.

2 a. Sanctus in Hiberniam
puer captivatur,
Aurum monstrat angelus,
auro liberatur.

2 b. In somnis per angelum
monitus redire,
Mirantur et matribus
parvulos vagire.

3 a. Germani Patricius
subditus habenis
Profuit in Gallia
annis quadragenis.

3 b. Romae factus pontifex
angelo dictante
Celsa tenet Morion
Domino praesente.

4 a. Dat in visis Dominus,
sacris ut statutis
Dirigat Hibernicos
in viam salutis.

4 b. Altari dum insidet,
mare transportatur,
Leprosos navigii
genus admiratur.

5 a. Bailus daemonibus
magus elevatus
Ad pedes Patricii
moritur prostratus.

5 b. Altare maleficum
fuso sacramento
Tellus ultrix sceleris
sorbet in momento.

6 a. Praesumens Patricium
gladio ferire
Flumine conspicitur,
videtur perire.

6 b. Instat praesens, radiat
manus radiorum,
Ut augeri faciat
copiam equorum.

7 a. Cuius a consociis
letum simulatur,
Moritur Patricius
et sic honoratur.

7 b. Dei praesul Patricius
puro servato
Post quaeque pueri
via concremata.

8 a. Pastor sacer abigit

gregem venenatum,
De sancto Patricio
Deum honoratum.

8 b. Sacri causa corporis
populus armatur,
Interiectis fluctibus
furor temperatur.

9 a. Advectus mirabili
genere vecturae
In Duno Patricius
datur sepulturae.

9 b. Caius, nobis Domine,
meritis adiutis
Perpetis indulgeas
gloriam salutis.