263. De sanctis Patronis.

1. Hos Deo dignis attollat
laudibus ecclesia,

2 a. Quorum verbis, actibus sacris
''et exemplis in melius
''commutavit mores
et studia.

2 b. Nos, Christe, tibi concilia

horum placatus per
suffragia.

3 a. Et quorum est memoria
per saecula
mundo celebris,
in tui laude nominis
nobis sit iucunda.

3 b. Horum da nobis precibus
pulsantibus
fructum operis
et [nos] a culpae veteris
maculis emunda,

4 a. Ut mundati

a peccatorum sordibus
devotissimi
eorum laudibus
iugiter inveniamur
adnuente clementia
superna;

4 b. Ut cum stola

immortalitatis duplici
post incolatum
labentis saeculi
introire cum beatis
valeamus in gaudia
aeterna,

5. Interventu horum
suffulti gratia.