265. In Commemoratione s. Pauli.

la. Sancte Paule, merita
Tua colentes inclita
Refove clementius

1 b. Ac sanctis in scripturis
Apertis et obscuris
Instrue nos clarius.

2 a. Praedicator optime,
Contra morbos animae
Die, qualis sis opere.

2 b. In labore saepius,
In aestu frequentius
Vinctus et in carcere.

3 a. O lux apostolica,
Adhuc nobis indica
De tuis excessibus.

3 b. Raptus in paradisum
Humanum vincens visum
Fruebar caelestibus.

4 a. Ora tuis precibus
Sicut olim fletibus

Pro sanctis viventibus:

4 b. Flecte tua geuua
Ad patrem, ut venia
Detur paenitentibus.

5 a. Da post vitae terminum
Angelorum Dominum
Sine fine cernere:

5 b. Da virtute flaminis
Non gravari infimis,
Sed superna quaerere.