266. De sancto Paulo.

1 a. Laetabundus

Paulum laudet omnis clerus,
Alleluia,

1 b. Quem convertit

Cunctorum regum rex verus,
Res miranda.

2 a. Mundo Christus oritur,
Verus vera nascitur
Sol de stellas

2 b. Sole nox expellitur,
Paulo lux infunditur
Semper clara.

3 a. Paulus mores instruit
Ac errores destruit
Pari forma:

3 b. Lux doctrinae celebiis
Pauli nullis tenebris
Fit corrupta.

4 a. Populos illuminat,
Tenebras eliminat
Valle nostra.

4 b. Verbum patris praedicat,
Id, quod passum indicat
Carne sumpta.