270. In sancti Petri ad Vincula.

1. Psallat vox cuncta

2 a. Rectori regenti

decenter universa,

qui corroborat suos,

ne succumbant, vernulas ;

2 b. Potenter sustentat

amoris sui flamma,

ut non flagra terreant

eorum praecordia.

3 a. Ad propaganda sacra

documenta promptus Bariona

3 b. Petrus Herodiana

detinebatur versutia,

4 a. Olim umbra

carceris positus densa.

4 b. Praesens anni

testatur dies rotata

5 a. Fuisse sub custodia

Vinctum pro cura

a Deo collata

pastorali, non pro debita

nequitiae poena.

5 b. Precabatur ecclesia,

Ut solveretur

pastor absque mora,

ne periclitarentur rudes

in fide assumpta.

6 a. Est virtus

invicta

et salus

amplissima Christus,

sapientia summa,

6 b. Catenis

astrictum

qui sua

militem immensa

resolvit clementia.

7 a. Proferri series debet

ereptionis mira,

acta Dei potentia:

7 b. Vinclorum pondere membra

vix ferens adgravata

capit somnum noctis hora

8 a. Poli celsa ianitor,

detentus absque noxa.

8 b. Sacer fulgida nuntius

descendit ab aula,

9 a. Pellens taeterrimas

Clausi carceris umbras

praesentia adventus

clara sui,

tenebris contraria.

9 b. Luce enim magna

Gircumfultus omnia

taetri loci obscura

ita fugat

velut solis claritas.

10a. Adpropians, propter quem

advenerat, excitat;

10 b. Latere tacto monet,

mature ut exsurgat,

11a. "Indumenta

tua inquiens

citus tibi circumda ; ne

paveas.

11b. Nexus cadunt

Dei gratia ;

angelum sequitur recta

semita ;

12 a. Praevius caelicola,

ut Petro fiat

id audacia.

12 b. Fidelis christicola

omnis praedicet

Dei opera,

13 a. Qui sic Petrum liberat.

Ille visum, non actum,

se contemplari putat.

Nil difficultatis obstat ;

13 b. Transeunt custodias,

Panditur mox ianua

euntibus ferrea ;

Procedunt constanter una.

14 a. Secum mirans Petrus

talia fratres visitat.

14 b. Fidelium super

hoc exsultat ecclesia.

15 a. Emunda famulantium

tibi contagia,

15 b. Petre, profusa ad Deum

precis instantia,

16 a. Ut fruamur gloria

16 b. In aeterna patria.