271. In s. Petri ad Vincula.

1 a. Dco detur laus aeterna
Sollemnitate hodierna,

1b. In qua Petras a catenis
Est liberatus et a poenis.

2 a. Rex Herodes Iacobum
Occiderat,

Ut placeret Iudaeis,

2 b. Apostolumque Petrum
Ligaverat

In catenis ferreis.

3 a. En, angelus

adest, Dei nuntius
Petrum solvens,

quem ligarat impius ;
Dormientis

percusso latere
Dixit ei:

"Festina surgere.

3 b. In carcerem

subintrante angelo
Lux effulsit

in carceris angulo,
Apostoli

dirumpens vincula
Et portarum

[tollens] obstacula.

4 a. Sic angelus hunc eduxit
Et in urbem laetum induxit ;

4 b. Sic delusus est Herodes
Et milites, Petri custodes.

5 a. Tunc angelus hunc dimisit,
Petrus fratres mox invisit.

5 b. Viso Petro apostoli

Gaudent, factores symboli,

6 a. Gratulantes
Atque dantes
Domino gloriam

6 b. Propter suam
Mellifluam
Misericordiam.

7 a. Audi, Petre, firma petra,

ab inferni via
Nos retrahe et absolve

divina gratia,
Cui ligandi et solvendi

data est potentia.

7 b. Tibi Deus ire dedit
super aequora

Et omnium infirmorum
sanare corpora,

Aperire et claudere
caelestia palatia.

8 a. Petre, palmes verae vitis,
Nos absolve, pastor mitis,
Ab omni spurcitia ;

8 b. Nos absolve nosque munda
Nosque perduc ad iucunda
Sanctorum consortia,

9. Ut semper nos gaudeamus
Cum Christo in gloria,
Cantemus Alleluia.