275. De sancto Quintino.

1. Martyri Quintino laudes
elevent servi sui,

2 a. Maxime, qui propria
Sunt eius ecclesia
Victimae paschalis
perceptores.

2 b. Cuius elevatio

Sit horum protectio,
Istius qui festi
sunt cultores.

3 a. Profert Eusebia,
Quod celat invidia,

Caput martyris, in flumine,
Et corpus novo
reparat lumine.

3 b. Testis est lucerna

Stans sub aquae laten;
Huic Eligius tumulum
Novit temporum
post curriculum.

4 a. Credendum est Eligii
plus devotioni,
Quam sit Maurini
praesumptioni ;

4 b. Scimus fabrum transtulisse
sacrum corpus vere.
Tu nobis, Christe,
rex miserere.