279. De sanctis Reliquiis.

1. Sancte, sanctorum vita et gaudium,

2 a. Suscipe tuorum laudes servorum
In commemorationem eorum,
Quorum reliquiae a laudandae vitae
Viro clemente WilMbrordo sunt nobis allataej

2 b. Quas angelica revelatione

Suscepit pro plurimorum salute
A papa Sergio semper memorando
Sublimatus archiepiscopatus officio.

3 a. Hae divinitus sunt augmentatae
A fidelium multitudine.

3 b. Per hos ergo fit virtus signorum
Et sanitas morum et corporum.

4 a. Caecorum oculi illuminantur,
Aures surdorum aperiuntur,

4 b. Et clausae mutorum linguae solvuntur,
Et gressus claudorum solidantur.

5 a. Leprosi mundantur,
Et aegri curantur ;

Vera, inquam, salus cunctis rependitur,
Si eis debitus honor impenditur.

5 b. Quapropter sollemnem
His demus honorem.
Sanctae atque piae earum animae,
Pro nobis [Deum] semper intercedite.

6 a. Stantes corroborate, ne cadant,
Et lapsos adiuvate, ut surgant;

6 b. In hac vita [vos] nos custodite
Et post hanc ad aeternam ducite.

7. Quod dare dignare, sancte sanctorum.

2 a. Fulget in caelestibus
Cum sanctorum coetibus
Peracta victoria.

2 b. Ubi Dei visio

Omni plena gaudio
Consolatur omnia.

3 a. Sancti huius actio,
Huius praedicatio
Fit salutis nuntia,

3 b. Terrena despicere
Docens et acquirere
Paradisi gaudia.

4 a. Exstitit pro speculo,
Dum vixit in saecul0 ;
Huius Deo placita
Vita est intuita.

4 b. Ipsius religio

Fulget cum Eligio
Corporis munditia
Et virtutum gratia.

5 a. Nil terrenum ambiebat,
Quia vere diligebat
Iesum super omnia.

5 b. Cuius prece nos deflere
Valeamus et delere,

Quod mens timet conscia.

6 a. In Stabulo vir stabilis
Deo fuit laudabilis
Operum per merita.

6 b. Ad mansura sine fine
Suspirabat mens divinae
Servituti subdita.

7 a. Post labilis vitae cursum
Feliciter scandit sursum,
In caelesti militia
Receptus cum laetitia.

7 b. Veneremur hunc patronum
Obtinentem caeli thronum,
Qui ut rosae vel lilia
Redolet in ecclesia.

8 a. O Remacle, vernans rosa,
Grata tibi sit haec prosa,
Tu nos Christo die isto
Clementer concilia.

8 b. Praesul magnae dignitatis,
Ora fontem pietatis,
Ut nos omnes a peccatis
Mundet data venia.

9. Amen dicant omnia.