281. In Adoptione beati Reniacli.

1 a. Confessoris incliti,
Militis emeriti

Recolamus bravium.

1 b. Voci nubat animus,
Dum Remaclo canimus
Insigne praeconiura.

2 a. A primaevo vitae flore
Totam mentem in amore
Divino constituit ;

2 b. Mundum gerens cor et purum
Florem mundi periturum
Tamquam lutum respuit.

3 a. Sancto viro commendatur
Moribusque informatur
Sanctus ab Eligio ;

3 b. Forma, stirpe, vita clarus
Habitus est cunctis carus
In regis palatio.

4 a. Uti Trudo sancti viri
Consilio voce miri
Monetur oraculi,

4 b. Sancto Christi lapidato
Dare sua corde grato
Pollicetur praesuli.

5 a. Cum Tungrensi providus
Praeesset ecclesiae,

5 b. Hinc abscessit cupidus
Vitae solitariae.

6 a. Monachorum condidit

Duplex hic coenobium,

6 b. Quibus unam indidit

Legem et consortium.

7 a. His praesedit honestorum
Formam cunctis praebens
morum,
Plenus Dei gratia;

7 b. In hoc statu consummavit
Sanctus vitam et migravit
Ad superna gaudia.

8 a. O confessor gloriose,

Honestatis speculum,

8 b. Iaspis Christi pretiose,
Sanctitatis vasculum,

9 a. Apud Deum
Coetum reum
Tua prece
De hac faece

Sublatum concilia,

9 b. Ut coronet
Nos et donet
Cum beatis
Post aetatis

Cursum caeli gloria.