285. De sancto Sefcaldo.

1 a. Hymnum canat plebs iucunda,
Psallat clerus mente munda,
Plaudant simul laetabunda
Angelorum agmina

1 b. Summo regi, qui direxit
Atque Nuremberg invexit
Confessorem, quem dilexit,
Clara per miracula.

2 a. Coruscantem infinite

Mortem post et moram vitae,

Qui conscriptam tenet rite

Legendam cum historia.

2 b. Stirpe de regali natus,
Sanctitate comprobatus
Est a Christo collocatus
Ad caeli sedilia.

3 a. Serto paradisi florum
Coronatus beatorum
Inter turmas confessorum
Rutilat in gloria.

3 b. O Sebalde, Christi care,
Velis nobis impetrare,
Deus ut dignetur dare
Tecum caeli gaudia.

4. Praestet pater hoc et natus,
Praestetque amborum flatus,
Trinus, unus conformatus
Saeculorum per caecula.