287. De sancto Sigismundo.

1 a. Inclite rex regum,
Tibi suppeditantur
Quaeque, nam rotundum
Regis mundum ;

1b. Ornatu qui regio
Limatoque gladio
Regem decoras
Sigismundum.

2 a. Hunc patronum pro solacio
Nostri cordis elegit ratio,

2 b. Angelino qui palatio

Residet ; dinoscat omnis natio.

3 a. Nostris ergo mentibus
Medere tabentibus,
Ut consequamur caelica,

3 b. Neumata quo modulizant
Ac dulcisonarum tonant
Fidium angelica.

4 a. Eternarum negotiator
Mercium, curator
Tuorum, precamina funde,

4 b. Sit nobis ut portio
Tuo cum consortio,
Christi martyr, Sigismunde.

5 a. Pater et patrone,
Tu nos in agone
Ne deseras certaminis,

5 b. Occidamur ne mucrone,
Praemium sed coronae
Confer luctaminis,

6 a. Leoninis dum insultibus
Horrendis atque vultibus
Aspidis infestamur.

6 b. Offendi tu non sinas
Illius nos per minas,
Pie te exhortamur.

7 a. Nempe tu scis,
Quia potes, si vis,
Gubernare tibi modulizantes.

7 b. In imperantis solio
Peccati dempto lolio
Locet te laudantes

8. Ecclesiae per spatia
Ut fideles Christi gratia,
Constanter flagitamus.