290. De ss. Simone et Iuda.

1. Gaude, mater ecclesia,

2 a. Tali partu sponsa
Deo condigna ;

2 b. Numerosa prole
gaudes, intacta.

3 a. Hac die

gemellum edidisti foetum,
Christo conregnaturum ;

3 b. Nec tamen

soli scandunt senatum caeli
Simon atque Thaddaeus.

4 a. Nam Persarum ducunt secum
regem, ducem, populum,
Quos converterunt
praedicando
et dicta signis
validis confirmando.

4 b. Fana daemonum diruentes,
magica confutantes
Templa Domino
fabricarunt
et clerum cuncti
ordinis consecrarunt.

5 a. Ob hoc occisi

thronos possident poli

5 b. Rursus venturi

causas censere mundi
in iudicio Dei,

6. Nobis, sancti, estote
pii precatores pro culpis
nunc apud Deum,
ut indemnes
simus in aevum.