291. De sancto Sixto.

1. Laudes Christo
et sancto Sixto,

2 a. [Cbristo] ceu regi,
Sixto ut fideli
psallat ecclesia ;

2 b. Huius sacerdotio
regnum perpetuo
stat a principio.

3 a. Hac (in) die
caelestis curia
Christo principi,

3 b. Romana

plaudat et congrue
Sixto praesuli,

4 a. Et machina
mundi trifaria
digne celebret gaudia,
quod regnat Dei gloria ;

4 b. Nam deitas
trina et unica
sua praestitit gratia
sancti Sixti praeconia.

5 a. Alta Graecorum
ortus prosapia
iste christigena,

5 b. Apud Athenas
archiphilosophus
et vir magnificus

6 a. Platonicum post sophisma
hic apostolicum
secutus est
christianisma.

6 b. Hunc perfectum prudentia
miratur Graecia
necnon Roma,
mundi domina.

7 a. Valerianum

sprevit cum Decio
ecclesiastica
dans Laurentio;

7 b. Sacrificando

se hostiam vivam
adipiscitur
regni gloriam.

8 a. O mortis commercium
insigne,

quo fit per supplicium
vivens sacerdotium !

8 b. O virum mirabilem
et sanctum,

qui nil Christo praetulit,
quem totus excoluit !

9 a. Hic pontifex

et virtutum artifex,

qui se ipsum hodie

immolat,

post mortem vitam innovat.

9 b, Deus erat

illi semper in ore,

Deus in opere,

hinc inde

quem fovit Deus undique.

10 a. Gloria et honor

Domino Iesu Christo
sint et laudes debitae
sancto Sixto,

10 b. Cuius erectum est
cornu in sanctitate;
benedicamus Deum
in trinitate.