293. De sancto Stanislao.

1 a. Sancte Dei pontifex,
Sis reorum opifex,
Patriae praesidium,

1b. Boleslaus carnifex

Quem occidit, Christi lex
Dum sibi praedicitur.

2 a. Sed concisus gladiis
Illustratur radiis
Missae lucis caelitus;

2 b. Funeri obsequitur
Ales, dum insequitur,
Quidquid hoc prosequitur.

3 a. Reintegrat caelicus

Membra sparsim medicus
Laniata primitus.

3b. Ad te clamant miseri,
Tu succurre celeri
Eis medicamine.

4 a. Functis vita redditur,
Leprae labes pellitur,
Oppressis pax mittitur ;

4 b. Gressus beneficium
Claudis dans, officium
Ori muto tribuis.

5 a. Stanislae, plebibus
Largire fidelibus
Tuis sacris precibus,

5 b. Ut soluti nexibus
Peccatorum sedibus
Iungantur caelestibus.