311. De sancta Ursula.

la. Laetabundus

Exsultet virginum chorus,
Alleluia,

1b. Regem regum,

Sponsum Iesum speculantum
In gloria.

2 a. Iesu amor vulnerat
Corda et mellificat
Suavitate ;

2 b. Iesum in se sentiunt,
Corde ore concinunt
Dulcem Jesum.

3 a. Iesum sponsum Ursula
Cum suis in gloria
Amplexatur ;

3 b. Iesu sumunt osculum,
Transeunt in cor Iesu,
Fiunt unum.

4 a. Iesu, nobis osculum
Da, te per paraclitum
Tibi iungens.

4 b. Iesu, inter lilia

Rosasque haec milia
Pascis in te.

5 a. Iesu, sponse virginum,
Iesa, amor virginum,
O Jesu, cor virginum,
Has coronas.

5 b. Iesum sequuntur agnum,
Novum cantant canticum,
Canticum virgineum
Iubilando.

6 a. Iesu cum regina
Virginum divina
Laude potitae
gloriantur.

6 b. Iesu, sponsae vestis,
His nos iunge festis
Prece virginum
ante thronum.