319. De sancto Vincentio.

1 a. Sacram diem attentius
Celebremus, Vincentius
Qua vicit supplicia.

1 b. Vincenti dicit Dominus,
Ut hunc vicisse novimus:
Ista dabo praemia:

2 a. Edere de ligno vitae,
Coronam dabo vitae,
In albis incedere,

2 b. Columnam in templo meo
Faciam hunc, throno meo
Mecumque sedere,

3 a. Stellam matutinam,
Stolam sibi binam
Et manna absconditum ;

3 b. Nomen eius non delebo
De libro vitae, sed augebo
Nomen eius inclitum.

4 a. His donis gaudet ideo
Vincentius, in eculeo
Quod laetanter vicerit.

4 b. Vicit poenis in acerbis,
Vicit ustus, vicit verbis,
Eo, quod meruerit.

5 a. Angelorum obsequio
Fovetur et alloquio
Demulcetur in carcere ;

5 b. Carceris obscuritas
Fugit, et fit claritas,
Custos coepit credere.

6 a. Sancti narrant Augustinus
Et Ambrosius non minus
Huius martyris gesta.

6 b. Tenditur, traditur, uritur,
Animus non exuritur
Ob indicis suggesta.

7 a. Fit testarum asperitas
Mira florum suavitas,
Dum super testas Unguitur ;

7 b. Dum nullis poenis vincitur,
Ad mollem lectum trahitur,
Quo Christi martyr mori-
tur.

8 a. Cuius corpus eicitur
In campo, sed munitur,
Ne bestiis devoretur ;

8 b. In aquas submergitur,
Sed ad litus revertitur,
Ut sepulturae detur.

9 a. Praeses Dacianus
Factus est insanus
Ob martyris victoriam,

9 b. Dum se victum cerneret,
Huncque martyr sperneret
Mutans poenam in gloriam.

10 a. O miles invictissime,
Te poscimus piissime,
Ut tuum hoc certamen

10 b. Precetur nobis gratiam
Et peccatorum veniam,
Ut nos salvemur, Amen.