331. De sancto Wigberto.

1. Laudes pangamus regi,
redemptori Christo,

2 a. Hac die devotis
famulatum
exhibentes praeconiis

2 b. Beati Wigberti
gloriosis
gratulanter sollemniis.

3 a. Hic Christi sacris
oboediens monitis

3 b. Affectus carnis
omnes secait ense
divisionis piae.

4 a. Casam

pudici cordis mundando
summae trinitati
hospitium praepara;

4 b. Nudam

'' Christi crucem
''ipse nudus assecutor
ferens, crucifixus
assecla crucifixi.

5 a. Spreverat patriam,
cognatos amore Dei

5 b. Spargere cupiens
''lucis semina nobis
''sedentibus in tenebris.

6 a. Ducatum pergendi
ad Christum praebuit
verbis et exemplis

6 b. Praesentari suo
satagens Domino
lucro geminato.

7 a. Hodie

sanctus Wigbertus
carnis ergastulo

liber abiecto
secreta caeli petit ;

7 b. Caelicis

congaudentibus
iungitur civibus,
''factus curiae
consul angelicae
''senator ipse
''fit Ierusalem consors
''senatoribus ipsis.

8 a. Confessor inclite,
continuo precatu
servulos proprios
tuere clementer

8 b. Et locum, tuorum

nunc cinerum custodem,
dextris successibns
pacis vise libens ;

9 a. Salutem languidis,
maestis laetitiam,
veniam da lapsis,

9 b. Ut gloriosorum
tui sublimia
gesta meritorum

10. Laetabundi semper
digne celebremus,
O Wigberte.