333. De sancto Wnnibaldo.

1 a. Ad altaris sacramenta

Sit vox concors, mens intenta,
Sit pacis concordia,

1 b. Ubi sub panis specie
Corpus Christi cottidie
Sacrant verba mystica ;

2 a. Accedit ad elementum

Verbum, fit sic sacramentum
Sanguinis salutaris.

2 b. Ad talem cibum et potum
Wunebaldus se devotum
Sacris exhibet aris.

3 a. Hic quadratam ponens mensam
Vitalem signat expensam
Quattuor virtutibus ;

3 b. Infra sacra mysteria
Divina ministeria

Sensit de caelestibus.

4a. Legem sub certis regulis,
Non in saxeis tabulis,
Sed in corde reproborum
Scribit docens viam morum ;

4 b. Auro conflatum perfide
Vitulum terit lapide

Frangens vota barbarorum
Et culturam idolorum.

5 a. Eedit domus exasperans,
Pravos mores contemperans
Ad cultum omnipotentis
Verbo post tergum monentis ;

5 b. Irriguum superius

Dat pater et inferius,
Dum luget cor paenitentis
Bis compunctumin lamentis.

6 a. Natus regis se servilem
Dives reddit et exilem
Intrans in exsilium.

Gb.........

7 a. Recedit manetque talis,
Ut sit sanctis coaequalis,
Redit ad caelum spiritus
Manetque signis inclitus.

7 b. O confessor pie Christi,
Qui certum diem praescisti
De caelo tui transitus,
Tuere nostros exitus.