334. De uno Martyre.

1. Alme mundi

2 a. Creator atque redemptor
iuste, maiestas summa,

2 b. Gloriosus Deus saecla
manens per infinita,

3 a. Qui choris adornatus
angelicis

horumque pollens laude,
dignatus es revisere
infima rura,

3 b. Ut fornace retrusos
Aegyptia

potenti clemens manu
liberares de tenebris
et mortis umbra,

4 a. Virginali thalamo
suscepisti
mortalem formam

4 b. Hancque cruci affigi
pro salute
passus es nostra,

5. Praebens inclitis
martyribus exempla
Hausti calicis
a te bibere pota,
subiendo verbera,

6 a. Quibus das
aeterna
pius praemia,

6 b. Fruantur
quo tecum
luce perpetua.

7 a. Quorum Alleluia
secutus est collegia

7 b. Divina impulsus
misericordia dextra
Felix tuus athleta,

8 a. Percipiens

tyrannorum sacra iugula,

8 b. Unde feliciter

permanet in gloria.