337. De Visitatione B.M.V.

1 a. Ave, sponsa deitatis,

Maria, fons pietatis,

Angelorum gloria ;

1 b. Ave, felix et beata,

Sacerdotis sponsa grata,
Quorum iuga sterilia.

2 a. Fugit aetas iuventutis,
Venit tempus senectutis ;
Redit aetas iuvenilis,
In utrisque fit virilis,
Tolluntur opprobria ;

2 b. Clausa vulva, ne sit partus,
Qui spe quondam destitutus,
Aperitur, et fit partus ;
In utrisque est iuventus,
Auferuntur ludibria.

3 a. Fidem praebet oraculo
Laetabunda et nuntio,
Festina prae gaudio
Perrexit in montibus.

3 b. Ubi mansit tribus tunc
mensibus,
Delectatur suis conspectibus,
Statim rediit in propriis
sedibus.

4 a. In publico festinabat
Et tumultus abhorrebat
Atque turbas fugiebat.

4 b. Maturate properabat,

Extra pedem vix trahebat
Nec a domo recedebat.

5 a. Venit maior ad minorem,
Venit hera ad ancillam,
Mater Dei ad matrempro-
phetae ;

5 b. A maiore visitatur,
Et minori obsequitur,
Servit ista tunc ancillae.

6 a. Benedicta inter mulieres,
Benedicta super omnes,
Benedicta divina pignora ;

6 b. Benedictus ventris fructus,
Benedictus eius partus,
Benedicta talia viscera.

7 a. Mater vocem prior audit,
Et virtutem puer sentit,
Dum Messiam tunc praesensit.

7 b. Gratulatur nondum loquens,
Iam adplaudit adhuc infans,
Ubi aetas deficit.

8 a. Ut venator sentit feram
Longe fere venientem,
Sic agnovit huncpraesentem ;

8 b. Adhuc iacens sic inclusus
Est virtute odoratus,
Ibi sensit praesentiam.

9 a. Ubi vates egregius
Illud hausit profundius
Secretum mysterium,

9 b. Et parente aeutiva
Illo non est perfectiva,
Dum movet tripudium.

10 a. Parvus miles

regem salutabat,

Virgo regem
in alvo gestabat

Inter artas

ventris angustias.

10 b. Pater portat

grave pondus,

Virgo gestat
leve onus

Nec patitur

naturae pressuras.

11a. Non est pondus corpus gravens,
Sed est onus leve portans,
Quae portantem
portat omnia.

11 b. Visitavit tunc cognatam

Et habebat hanc germanam ;
Quam ut novit impraegnatam
Virtute magnifica:

12 a. "Unde venit mater Dei,
Mater regis altissimi?"
Magna est laetitia.

12 b. "Qua gratia quove dono
Ingreditur haec in domo,
Ubi parva familia ?"

13 a. Dum visitat, visitatur.
Dum salutat, salutatur,
Salutata resalutat
Honestis amplexibus.

13 b. Sacra miscent colloquia,
Verba conferunt dulcia
Et divina eloquia
De rebus sublimibus.

14 a. Admiremur novitatem
Et naturae dignitatem,
Magnam quoque maiestatem,
Fructum magnum allatura.

14 b. Nam sterilis est longaeva
Et in brevi paritura,
Virgo mater conceptura
Fusa mirante natura.

15 a. Anna parit supra tempus,
Illud vere Dei opus
Et est nobis mirabile.

15 b. Virgo parit nec est laesa,
Manet virgo sed intacta,
Et est opus laudabile.

16 a. Est ut thronus Salomonis,
Velut vellus Gedeonis,
Terra nunquam exarata,

16b. Rubus ardens, non com-
burens,
Hortus clausus et conclusus,
Porta clausa obserata.

17 a. Eva prius

noverca posteris,
Illa mater salvatoris,
Ista mater praecursoris ;

17 b. Prima parens nobis luctum
Sed secunda vitae fructum
Haec gaudium
in ortu infantis.

18 a. Sitis nostrum salutare,
Ob meritum singulare
Harum matrum visitare
Dono tuae gratiae,

18 b. Nunc apparens ventris fru-
ctus,
Nobis inter mundi fluctus
Sis via, dux et conductus
Virtute potentiae.

19 a. Visitare nos digneris,

Nos, si placet, consoleris ;
In adversis confortetur,
Nec de nobis vindicetur
Tua fulti clementia,

19 b. Sicut quondam visitasti

Hanc germanam, quam ama-
sti,
Obsequium impendisti
Et a malis protexisti,
Tua referta gratia.