33S. De sancta Anna.

1 a. Ecce, tempus opportunum,
Convenimus nos in unum,
Ut in laude conditoris
Impendamus vires cordis.

1 b. Nequit satis admirari

Mens humana nec profari,

Quanta laude prosequenda

Mater matris salvatoris.

2 a. Anna, regum progenies
Et sacerdotum series,
In te virtutum species,
Sola mater sine pari ;

2b. Infecunda pro tempore,
Prope marcescens corpore,
Toto soluta vigore
Dono plena singulari.

3 a. Ex regali stirpe nata,
Coniugio copulata,

Consecuta tres maritos,

3 b. Et ex illa prole sancta
A saeculis inaudita
Fructus conferens optimos.

4 a. Anna mater, mater Anna,
Sunt tua dona magna,
Anna sonat gratiam ;

4 b. Tota facta gratiosa,
Super omnes speciosa,
Magnam ferens laetitiam.

5 a. Haec in domo per vicenos
Cum marito vixit annos
Sine fructu coniugii,

5 b. Neque cessat a divinis,
Tota perfusa lacrimis
Audit quaestus opprobrii.

6 a. Bona sua conferebat,
Tripbarie dividebat,

Partem templo et egenis,

6 b. Partem suae familiae
Reservabant, inopiae
Servis suis domesticis.

7 a. Et, sterilis quae non erat,
Paritura maledictam
Lex antiqua praedicabat,

7 b. Non ultricem manum suam
Porrigebat in naturam,
In peccato saeviebat.

8 a. Caelestis nuntius,

Cuius vultus angelicus,
Qui missus caelitus
Reddit certam de nuntio:

8 b. Concipies et paries
Nec similem reperies
Sic decretum consilio.

9 a. Annis Anna parit gnatam
Super omnes singularem,
Quod miratur lexnaturae,

9 b. Et miratur totus mundus
Matris Annae ex Ioachim
Super partum geniturae.

10 a. Quae quondam sterilis,
Est modo fertilis

Dans fructum optimum.

10 b. Visitavit terram sanctam
Et replente foetu totam
Terra dedit fructum suum.

11 a. Anna parit tres filias,
Illa vocat has Marias,
Offert fructus primitias
In divinum obsequium.

11b. Unus, bini et quaterni
Mundo nati et renati
Per ipsarum sanctorumque
Mariarum conubium.

12 a. Prima Christum, altera

Iacobum maiorem, Barsabam
Iustum cum Simone Iudam,

12 b. Tertia parit mater
Ioannem volucrem
Iacobumque maiorem.

13 a. O nobile collegium

Est sanctarum consortium
Et sororum sacrum trium,
Quarum nomen est Maria.

13 b. Est Maria stella maris

Sedans fluctus tempestatis,
Iungat regno claritatis
Post tanta suspiria.

14 a. Elisabeth, Sara, Rachel,
Anna matres, quae steriles
Pepererunt mirabiles.

14 b. Non ablatus erat partus,
Sed dilatus, modo datus,
Prodierunt nobiles.

15 a. Radix Anna, virga virgo,
Flos est Christusin hocmundo,
Quem novimus profluxisse,

15 b. Radix Iesse coepit esse,
Gaudet mundus recepisse
Talem florem de radice.

16 a. O sorores vos germanae,
Custodite sero, mane,
Ne facinus tam immane
Patiamur in futuro,

16 b. Ubi mors est sine vita,
Poena gravis infinita,
Afflictio infinita,

Nulla quies a tormento.

17a. Alma parens, mater Anna,
Mater pia et benigna,
Iuva tuis precibus,

17 b. Nos in mundo tam naufrago
Sine tuo praesidio
Agitamur in fluctibus.

18 a. Anna, parens matris Christi,
Ante Deum iube sisti
Post mundi naufragia,

18 b. Et miseris donet opem,
Sempiternam det requiem
Per tua suffragia.

19 a. Mater matris Christi,
Ex hoc mundo tristi
Post hanc vitam caeli
Ducas ad atria,

19 b. Ubi sine nocte dies
Et ex toto meridies,
Ubi quies et gloria.