341. De sancto Blasio.

1 a. Psallat mundus corde mundo,

Iucundemur in hoc mundo,

Laetetur ecclesia ;

1 b. Vox canora nostri chori

Laudes promat conditori,

Qui disponit omnia.

2 a. Hic Blasius vocitatos

Vere blandus est vocatus,

Blanda profert eloquia ;

2b. Blandus verbo, blandus,

signis,

Blandus vita et insignis

Blanda profert colloquia.

3 a. Cultu morum adornatus

In Sebaste praesulatus

Apicem promeruit ;

3 b. Fugit mundam timens mor-

tem,

Poenam videns tam acerbam

Corpus occidi timuit.

4 a. Latitabat in speluncis

Et in antris tenebrosis

Fugiens martyrium.

4 b. Caelestis nuntius

Venit velocius

Ferens consilium.

5 a. Ad hunc aves veniebant

Neque tamen recedebant,

Obsequuntur imperio;

5b. Aves pastum afferebant,

Sanctum senem nutriebant

Latitantem tugurio.

6 a. Ire iubet et recedunt,

Stare mandat, acquiescunt,

Mancipantur obsequio.

6 b. Ad hunc ferae confluebant,

Incolumes recedebant

Huius beneficio.

7. Si qua fera condolebat

Ad hunc cito fugiebat

Consecuta remedium.

8 a. Dum venatur, caues latrant,

Circumdantes antrum clamant,

Ut victores capta praeda;

8 b. Quod mirantur venatores,

Bestiarum praedatores,

Et videntur niti frustra.

9 a. Intrant servi in speluncam,

Senem vident consedentem

In medio bestiarum,

9 b. Neque possunt contingere

Neque ultra accedere

Propter coetus totferarum.

10 a. Videt lupum venientem

Et in porcum saevientem,

Tunc femina contristatur;

10 b. Lupus rapax rapit praedam

Et insurgit contra feram,

Illi mortem comminatur.

11 a. Orat sibi porcum reddi

Et in manus suas tradi.

Mulieris verba ridet:

11b. Ne tristeris ullo modo,

Tibi lupus continuo

Scrofam vivam sanam

reddet.

12 a. Mactat porcum et occidit,

Membra in frusta concidit

Condolens miseriae,

12 b. Non ingrata tanto bono

Partem offert sancto viro

Ligato in carcere.

13 a. Praeses iubet hunc astare,

Cito tura adolere

Atque deos adorare,

Quos colit gentilitas.

13 b. De carcere egreditur,

In conspectu statuitur,

Et non illum deterruit

Poenarum acerbitas.

14 a. Sublevatur eculeo,

Cruciatur miro modo,

Duris loris constringitur.

14 b. Neque timet comminantes,

Dura verba proferentes,

Nec movetur nec turbatur.

15 a. Sed ferreis pectinibus

Et asperis verberibus

Corpus eius atteritur ;

15 b. Manat sanguis circumquaque

Parte fluens ex utraque,

Nec a fide dimovetur.

16 a. In profundo liquidarum

Corpus mergitur aquarum,

Neque tamen submergitur.

16 b. Stagnum signat signo crucis,

Tamquam terra immobilis

Aqua manet ; plebs mira-

tur.

17 a. Qui patitur nunc languorem,

Meditetur passionem,

Levabit dolorem gutturis ;

17 b. Si qua vitae infirmitas

Sive mundi calamitas,

Solamen praestabit mi-

seris.

18 a. Lictor vibrat tunc mucronem,

Martyr effundit cruorem,

Salutaris victima.

18 b. Post labores et conflictus,

Post dolores et anfractus

Caelos conscendit anima.

19 a. Esto custos tui gregis,

Ne declinet viam legis,

Sed sequatur legem regis,

Tandem regnet cum beatis

Post mundi pericula ;

19 b. Esto praesens, o patrone,

Desolatis in agone,

Esto noster intercessor,

Vere martyr et confessor,

Per aeterna saecula.

la. Psallat chorus corde mundo,

Iucundemur in hoc mundo,

Laetetur ecclesia.

1 b. Vox canora nostri chori

Laudes promat conditori,

Qui creavit omnia.

2 a. Hic Blasius vocitatos,

Vere blandus est vocatus

Blanda dans eloquia ;

2b. Blandus verbis, blandus signis,

Blandus vita et insignis,

Dulcis ad colloquia.

3 a. Culta morum adornatus

In Sebaste praesulatus

Apicem promeruit.

3 b. Fugit mundum timens mortem,

In speluneae intrat portam,

In antris occuluit.

4a. Ad hunc ferae confluebant

Et ab illo recedebant

Iubente imperio,

4 b. Sanitatem capiebant

Et pabulum adferebant

Latenti tugurio.

5 a. Videt lupum venientem

Et in porcum saevientem

Femina, contristatur:

5 b. Lupus rapax rapit feram,

Adclamantem audit heram,

Bestia depraedatur.

6 a. Dum quis piscem inescaret,

Infixa spina turbaret,

Ante sanctum ducitur.

6 b. Semimortuus iacitur,

Morbo gutturis solvitur,

Puer sanus redditur.

7 a. Praesul iubet hunc astare,

Deos vanos adorare,

Quos colit gentilitas.

7 b. Constanter deos respuit,

Neque illum deterruit

Poenarum acerbitas.

8a. Atrociter cruciatur,

Eculeo sublevatur,

Duris loris stringitur ;

8 b. Sed ferreis pectinibus

Et asperis verberibus

Corpus eius feritur.

9 a. In profundis gurgitibus

Membra exponunt fluctibus,

Neque tamen mergitur.

9 b. Signo crucis signat stagnum,

Aqua stabat ; factum magnum,

Virtus Dei noscitur.

10 a. Lictor vibravit mucronem,

Statim effudit cruorem

Salutaris rictima.

10 b. Cum duobus infantibus

Detruncatis capitibus

Felix scandit anima.