342. De sancta Caecilia.

1 a. Gaude, Sion, et laetare,

Plaude, turba, iucundare

Sollemni laetitia.

1 b. Gaudet mundus mundam vi-

dens,

Quae immunda abiciens

Repletur munditia.

2 a. Virgo peccati nescia

Neque sceleris conscia

Refugit libidinem;

2 b. Quam videns Valerianus,

Mente captus ut insanus,

Amat pulchritudinem.

3 a. Pulchra, prudens et illustris,

Generosa, percelebris

Nobili prosapia.

3 b. Ex consensu fit amborum,

Sic voluntas est parentum,

Duxerunt conubium.

4 a. Horis scripturas diurnis

Simul etiam nocturnis

Gerebat in pectore,

4 b. Nec a precibus assiduis

Nec cessabat a divinis,

Tota rapta in amore.

5 a. Nupta venit

in publicum

Iuxta carnem

habens cilicium,

Nullum quaerens

extra solacium ;

5 b. Extra tamen

auratis vestibus

Haec incedit,

compta monilibus,

Dissimulans

humanum gaudium.

6 a. Organis cantantibus

Atque modulantibus,

Una vox psallentibus,

Ut verbis utar:

6 b. Fiat cor mundum

Et corpus purum,

Immaculatum,

Ut non confundar.

7 a. Vacat Deo semper orans,

Cuius corpus pallore tabescens,

Et sic hostis evincitur;

7 b. Ieiuniis biduanis

Nec non minus triduanis

Eius corpus atteritur.

8 a. Caelestis nuntius

Assistit propius,

Servatorque carnis

turbavit intestinum.

8 b. Corpus habet illibatam

Et a nullo violatum,

Ab angelo custoditum.

9 a. Languet amans, cubat lecto,

Dumque iacet cubili secreto,

Revelat mysterium:

9 b. Est mihi divinitus,

Inquit, datum caelitus

Sicut verbum angelicum.

10 a. Si sit amor verus, amans

Nil committas sicut amens,

Sed sis amator vigilans,

Cavens detestabile ;

10 b. Tunc ostensurus gloriam

Tibi promittens aeternam,

Sine fine permansuram,

Opus admirabile.

11 a. Caecus amans hanc amavit,

Hunc amare recusavit,

Sibi poscens alterum:

11b. "Sponsus meus est in caelo,

Hic habere sponsum nolo

Edocta per angelum."

12 a. In sepulcro latitantem

Et tyrannum fugientem

Invenit Urbanum ;

12 b. Mortem sibi molientem

Et in cunctis trepidantem

Effugit profanum.

13 a. Quem videns Urbanus

Factus est humanus

In sponsum humilem,

13 b. Missumque divinitus

Agnovit titubantem

Iuvenem fragilem.

14 a. Seminator casti consilii

Et largitor tanti mysterii,

Seminum suscipe fructus,

14 b. Quos seminas in virgine,

Incognita ab homine,

Divinos accipe partus.

15 a. Serva Dei, Caecilia,

Deservit cum familia

Aeterna poscens atria.

15 b. Aduncatur eculeo,

Ut apis alveario

Non indigens auxilio.

16 a. Sponsum habens ut leonem,

Quem sustinebat ferocem,

Cuius mores in amorem

Nititur inflectere ;

16 b. Sicut ovis, sicut agnus

Immutatur inconsulte,

Qui in cunctis est modestus,

Potuit convertere.

17 a. Ecce, senex repente venit

Habens librum aurata litera ;

17b. Sic ita fatur: unus Deus,

Una fides, unum baptisma.

18 a. Affert coronas

De caelo latas,

Flore vernantes

A caelo magno,

18 b. Rosas candentes

Et albescentes,

Nunquam marcentes

A Deo summo.

19 a. Tu pudoris signaculum,

Tu candoris es Ulium,

19 b. Tu decoris ornamentum,

Castitatis es sigillum.

20 a. Tu vitro purior,

Nive candidior,

20 b. Luna splendidior

Et sole clarior.

21 a. Dum aurora finem daret

Depulsa caligine noctis,

21b. Sic fatur: Eia, milites

Christi, arma sumite lucis.

22 a. Operibus tenebrosis

Opus succedat virtutis,

Peius cedat optimo,

22 b. Testea conficere,

Aurea recipere

Pretiosius pessimo.

23 a. O flos iuventutis

Et opus virtutis,

Amittere vitam !

23 b. Non iuventus amittitur,

Sed amissa reperitur ;

Appetere mortem

24 a. Vitam viventibus,

Non vitam mortuis,

Sed mortem mortuis

commutat in vitam.

24 b. Tu mortis minister

Et non vitae dator,

Vitam potes

auferre praesentem.

25 a. Est mihi felicitas

Et aeternu iucunditas

Vitam offerre iugulo ;

25 b. Est mihi miseria

Et magna calamitas

Vivere in saeculo.

26 a. Sic tua potestas,

Virtus et maiestas

Sicut ventus evanescit ;

26 b. Si pungatur uter acu

Et calore solvitur gelu,

Sic honor deficit.

27 a. Quidquid in se cernitur

Rigidum, incurvatur,

Redit ad nihilum,

Sic rigor deperit ;

27 b. Sic honor mundanus

Est omnino vanus,

Sicut unda fluit.

28 a. In bulliente balneo

Non patitur, incenditur,

Et in ferventi dolio

Invenit remedium.

28 b. Non adurit calor ignis,

Neque nocet vis ardoris,

Neque sentit vim doloris

Habens refrigerium.

29 a. Ibi virgo

capite punitur,

Sed iam laeta

tota efficitur

Consummato proelio.

29 b. Ibi virtus

fit divina,

Cum plebs videt

tanta mira

In tanto supplicio.

30 a. Trina vice

extendit brachium,

Neque potest

contra consilium

Hanc ferire.

30 b. Nam lex iubet

non ultra progredi,

Et voluit

sic ita fieri,

Hanc manere.

31 a. Te precamur nos errantes,

Rege gressus vacillantes,

Nos qui sumus impotentes

In lacu miseriae;

31 b. Nos speramus in futuro,

Defende nos a maligno,

Praebe manum, offer opem,

Nos perducas ad regnum

gloriae.