346. De s. Iacobo Minore.

1 a. Gratulemur in hac die,
Quae est dies laetitiae,
Dies lucet pro tenebris.

1b. Gratuletur plebs fidelis,
In qua nobis est natalis
Iacobi praecelebris.

2 a. Inter sanctos hunc elegit,
Cuius vita sic refulsit
Sanctior apostolis,

2 b. Et ab alvo sanctus prodit,

Mater flores tot produxit,

Cuius fructus mirabilis.

3 a. Iacobus ille iustus

Iuste Iustus nominatus,
Cuius fulsit mira virtus
Iusta reddens iudicia ;

3 b. Est vocatus posterior
Neque potest esse minor
Nec ceteris inferior,
Est aequalis in gloria.

4 a. Hic dicitur frater Domni,
Cuius vultus est similis
Et virtute dissimilis,

4 b. Et huius sancti facies
Videbatur effigies
Domini salvatoris.

5 a. A primaevo sanctus erat,
Documenta sacra dabat
Verba sapientiae;

5 b. Cuius virtus, cuius mores
Non attraxit in errores
Per verba malitiae.

6 a. Propter vitae sanctitatem

Atque morum gravitatem

Huius fama redolebat,

6 b. Ac populis fidelibus
Ora tacta in vestibus
Sanitatem conferebat.

7 a. In sanctorum sacra loca
Et ingredi sacraria

Praeter illum non licebat ;

7 b. Huius viri sanctitas
Atque morum integritas
Sic fieri exposcebat.

8 a. Est a vino abstemius,
Ab omnibus alienus,
Quidquid sensum mentis
vertit.

8 b. Usus fugit carnalium
Et carnale obsonium
Nunquam iustus mandu-
cavit.

9 a. Neque rasit caesariem

Antiquum consecrans morem
Scultello tonsario.

9 b. Totus raptus in precibus,
Habens callos in genibus
Sicut in calcaneo.

10 a. Non auratis est indutus,
Sed sindone est amictus
Coloreque niveo,

10 b. Nec corporis nutrimentis
Neque usus est fomentis,
Nunquam perfusus oleo.

11a. A contactu omni purus,
Castitate adornatus
Carinisque conservator;

11 b. Fugit actus venereos
Atque tactus femineos
Virginitatis amator.

12 a. Manet carnis integritas
Et corporalis castitas
Illaesa pudicitia,

12 b. Nec consensus ullus mentis

Nec ad malum est proclivis,

Manet recti mens conscia.

13 a. Ille iustus per ter denos
In Solyma rexit annos,
Praesulatus inter summos
Apicem promeruit,

13 b. Fidem tenens christianam,
Totam in Christo firmatam,
Supra petram roboratam,
Nec a fide quis divertit.

14 a. Scandit pinnam templi iustus
Praedicare verbum iussus
Et ab alto demittitur.

14 b. Graviori lapsu ruit

Neque tamen cito perit,
Claudus tantum efficitur.

15 a. Obruitur lapidibus,

Orat pro lapidantibus
Genu flectit et precatur:

15 b. Dona culpam, dele noxam,
Illis redde innoxiam,
Factum istud remittatur.

16a. Hi nesciunt, quid faciunt,
Quando iustos percutiunt ;
Cor illorum induratur.

16 b. His peccatum ne statuas
Nec vindictam ullam sumas,
Oro supplex, ignoscatur.

17 a. Pert iniuste iustus poenam,

Et atrocem ferens mortem

Huius cruraconfringuntur.

17 b. Tactus ictu pugionis

Et cum pertica fullonis
Caput eius atteritur.

18 a. Post agonum tot sudores,
Post poenarum tot labores,
Tyrannorum tot rigores,
Certamina tot fortia

18 b. Defert palmam laureatam
Post hanc vitam temporalem
Ad gloriam triumphalem
Per angusta vestigia.

19 a. Scandit caelos laureatus,
Ubi summus est senatus
Et aeternus principatus,
Perpetua memoria.

19 b. Tu sis solaris radius,
Ut ascendat liberius
Ad caelos noster animus
Cum felici victoria.

20 a. Esto rivus et canalis,
Ne pereat tunc carnalis,
Homo noster animalis
Perducatur ad gaudia,

20 b. Ubi nec cras nec hesternum,
Sed est idem hodiernum,
Ubi salus, ubi vita,
Infinita est gloria.