347. De s. Laurentio Episcopo.

1 a. Congaudeat plebs pistica
Nova praeferens cantica,
Novum laudispraeconiam,

1b. In natali filii regis;

Natus terra, natus caelis,
Novum ferens tripudium,

2 a. De semine regio,
Ex regali conubio
Generatur Laurentius,

2 b. Vir illustris et insignis,
Plus virtute praenobilis,
Quam genere egregius.

3 a. Ex regali stirpe natus,
Regis, reginae filius,
Traxerat originem.

3 b. Laurentius laureatus,
Laureata palma cinctus,
Laureatam defertpalmam.

4 a. Hunc elegit inter fratres
Neque tamen illi pares,
Dedicatur in divinis.

4 b. Spreta domo temporali
Militiae clericali
Scribitur obsequiis.

5 a. Mundiales fugit fastus,
Mundi fugit apparatus
Spreta mundi militia,

5 b. Et honores fugitivos
Et favores plebeios,
Spernit vitae felicia.

6 a. Dum agitur electio,

Loquuntur de Laurentio,
Fama fuit notissima ;

6 b. Fama volat sancti viri,
Qui consentit tunc honori,
Res est cunctis gratissima.

7 a. Fragrat odor sicut myrtus,
Famae fulget mira virtus,
Dum gerebat candidatum;

7 b. Summum esse sacerdotem
Nec regalem dignitatem
Nec ambivit principatum.

8 a. Episcopus est electus,
Nullo tamen est elatus
Honoris fastigio.

8 b. Quondam coetu clericali
Primus erat in regali
Nutritus palatio.

9 a. Plebis aura favorali
Cum clamore populari
Adclamatur egregio ;

9 b. Consequenter est mutatus,
Potestate sublimatus
Felici commercio.

10 a. Moderator est ovilis,

Verus custos Dei gregis,
Curam gerens ovium ;

10 b. Est in sacris eruditus,
Sanctitate sublimatus
Pro salute omnium.

11 a. Cum genere sit regalis,
Est ovibus socialis,
Nullo elatus honore ;

11b. Cum sit primus, fit ultimus,

Est cum grege commoratus,

Quasi unus fit de grege.

12 a. Intrat templum cito stultus,
Conturbatus ut insanus ;
Tunc percussit hunc flagello,

12 b. Sollemnia dum ageret,
Et letale vulnus infert
Toto mirante populo.

13 a. Lympham petit sibi dari,
Statim videtur sanari
Nullo sacro intermisso,

13 b. Obsequium sic aequalem
Martyribus sanctis parem
Credens se praestare Deo.

14 a. Daemonia comprimebat,
Aegrotantes mox curabat,
Sanitates conferebat;

14 b. Fluctus maris compescebat,
Virtutibus coruscabat,
Haec precibus impetrabat.

15 a. Quinquennio stat in busto,
Qui latebat in angusto,
Manet corpus incorruptum

15 b. Nec solutum est iuncturis,
Fragrat odor sicut turis;
Factum istud inauditum.

16 a. Ad sepulcrum confugiunt
Et languescentes adeunt
Requirentes auxilium ;

16 b. Caecus videt, surdus audit,

Mutus fatur, linguam solvit,

Consequentes remedium.

17 a. Et incedit recte claudus,
Currit, saltat sicut cervus
Reparatis viribus ;

17 b. Et naufragis portus datur,
Spes amissa restauratur
Huius viri virtutibus.

18 a. Et leprosis munda cutis,
Et sanatur paralysis,
Effugantur daemonia,

18 b. Et defunctis vita datur,
Et debilis sospitatur
Et sanatur per omnia.

19 a. O Laurenti, cleri gemma,
Cum praesulum turba summa
In his serva temporibus,

19 b. Dum blanditur prosperitas,
Ne nos frangat adversitas
In his tantis turbinibus.

20 a. Dum volvitur mundi rota,
Mala premunt insueta,
Nulla vitae stabilitas,

20 b. Tempus vitae constitutum,
Nobis detur post terminum
Sempiterna felicitas.